VÍDEO NÚMERO 11

Había un tempo que non poñiamos un vídeo en Vilatrasna. Hoxe toca vídeo.

 

Nel vedes os nenos e nenas traballando sobre a obra de keith Haring, un artista urbano que centrou a súa obra nos grafitis. Viveu na cidade de New York, así que estivemos comentando e vendo imaxes da mesma pola súa peculiaridade.  Tamén veredes que están xogando cos zancos en psicomotricidade, fomos a practicar un ratiño a coordinación e  o equilibrio mentres se enfriaban os osiños de cera que fundimos no forno. Vese tamén un fragmento da obra Carapuchiña no deván do Teatro do Andamio e imaxes da celebración do día da árbore.

DÍA DE ROSALÍA 24 DE FEBREIRO

CANTA PAXARÍÑO ALEGRE,

CANTA!

CANTA PORQUE O MILLO MEDRE,

CANTA!

CANTA PORQUE QUE A LUZ TE ESCOITE,

CANTA!

CANTA QUE FUXEU A NOITE.

Seguindo a perspectiva de mulleres con vidas intesantes, onte falamos de Rosalía de Castro e aprendimos esta estrofa de "Alborada" de Cantares gallegos. 

Debuxamos libremente o paxariño na postal escribimos por detrás a quen lla íamos a regalar. 

Esta iniciativa debémoslla á asociación de escritoras e escritores en lingua galega.

DEIXANDO FLUÍR A CREATIVIDADE

Cada vez xurden mais estudos sobre a importancia de potenciar a creatividade nas escolas. A creatividade constitúe unha cualidade que empeza a ser tremendamente demandada no mundo laboral actual e con perspectivas de manterse no futuro.
Tradicionalmente a escola se encargaba de transmitir coñecementos; actualmente  a escola enfréntase a novos retos de renovación, non só chega con transmitir, hai que manter e potenciar a creatividade infantil, para que sexan capaces de imaxinar, inventar, crear na sociedade que lles tocará vivir.
Para empezar a saber máis deste tema, o educador Ken Robinson proporciona unha visión distinta e interesante da escola.

Neste sentido vimos desenvolvendo algunhas actividades libres que inciten a "crear diferente", e valorar esa diferencia.
_ Pintamos con pompas de xabrón,  e construímos un collaxe libremente.
_Traballamos algúns retratos de Picasso empregando cores cálidas e frías.