VISITA DE YOLANDA, AMA DE CASA

Este mércores comezamos as visitas familiares para explicarnos os oficios ou profesións.
Comezamos con Yolanda que nos veu a falar sobre as amas de casa, ou amos de casa, que tamén hai.
Primeiro estivemos atentos a dicir as labores que facía na casa e despois axudamos a facer algunhas delas como doblar a roupa ou limpar o po.
Moitas grazas por acompañarnos Yolanda.

CAIXA DAS LETRAS FUNCIONANDO A TOPE

Como se vai notando que o curso vai polo segundo trimeste, cando antes parecía lonxano iso de ler e escribir palabras, sin copiar, agora xa non é tan difícil.. incluso nos atrevemos con palabras xigantes  que motiva Raquel no taller de Linguaxe, xa temos todas as letras! podemos formar calquera palabra! comezamos! A ortografía... mmm... para máis adiante.. :)

DÍA DE ROSALÍA 24 DE FEBREIRO

CANTA PAXARÍÑO ALEGRE,

CANTA!

CANTA PORQUE O MILLO MEDRE,

CANTA!

CANTA PORQUE QUE A LUZ TE ESCOITE,

CANTA!

CANTA QUE FUXEU A NOITE.

Seguindo a perspectiva de mulleres con vidas intesantes, onte falamos de Rosalía de Castro e aprendimos esta estrofa de "Alborada" de Cantares gallegos. 

Debuxamos libremente o paxariño na postal escribimos por detrás a quen lla íamos a regalar. 

Esta iniciativa debémoslla á asociación de escritoras e escritores en lingua galega.

COROAS PARA PRÍNCIPES E PRINCESAS

Cando falamos de príncipes e princesas na clase, facémolo dende unha perspectiva crítica. 

Os contos tradicionais que nos acompañaron a todos/as desde pequenas nos transmiten tenrura e seguramente, bos recordos da nosa infancia. 

Pero pensando nos valores que están a transmitir, observamos que sempre as princesas teñen que ser salvadas, que sempre ven un príncipe a facelas felices, e sempre pasan tempo esperando que pase algo, non soen ter moita iniciativa no devir da súa vida... así as cousas... xa non nos gusta tanto ser princesas... porque é mais divertido facer cousas interesantes...

Neste sentido de cousas interesantes, traballamos mediante contos e mediante a búsqueda de información en internet a vida de Frida Kahlo, como unha muller loitadora que pese a enfermidade e accidentes, fixo o que máis lle gustaba: pintar.

Sin perder a perspectiva de Voz Natura,  construímos unhas coroas cos cartóns de papel hixiénico que nos  achegastes.
 Para príncipes, estes tres lozanos que saen na foto!

DEIXANDO FLUÍR A CREATIVIDADE

Cada vez xurden mais estudos sobre a importancia de potenciar a creatividade nas escolas. A creatividade constitúe unha cualidade que empeza a ser tremendamente demandada no mundo laboral actual e con perspectivas de manterse no futuro.
Tradicionalmente a escola se encargaba de transmitir coñecementos; actualmente  a escola enfréntase a novos retos de renovación, non só chega con transmitir, hai que manter e potenciar a creatividade infantil, para que sexan capaces de imaxinar, inventar, crear na sociedade que lles tocará vivir.
Para empezar a saber máis deste tema, o educador Ken Robinson proporciona unha visión distinta e interesante da escola.

Neste sentido vimos desenvolvendo algunhas actividades libres que inciten a "crear diferente", e valorar esa diferencia.
_ Pintamos con pompas de xabrón,  e construímos un collaxe libremente.
_Traballamos algúns retratos de Picasso empregando cores cálidas e frías.
 

XORNADA DE PORTAS ABERTAS

 O PRÓXIMO MARTES DÍA 23, ÁS 16:00 CELEBRARASE NA ESCOLA UNHA XORNADA DE PORTAS ABERTAS PARA ALUMNADO DE NOVA INCORPORACIÓN.

AGRADECEMOS A DIFUSIÓN PARA QUE POIDA CHEGAR A FAMILIAS INTERESADAS.

GRACIAS!


  http://www.arteixo.org/index.html/?q=node/7204

INVENTANDO XERIONS

Temos a Torre de Hércules na entrada da escola,…

falamos da lenda tradicional que conta o paso de Hércules por Galicia e o seu enfrentamento con Xerión:

“Cóntase que esta torre construiuse para que servira de lembranza da victoria de Hércules e para alumear aos navegantes”

A partir deste relato, cada un/unha de nós construiu o seu propio Xerión....porque , como sabedes, gústanos moito xogar cos Monstros. Para facelo empregamos o xogo do DADO MÁXICO:

Antes de nada escollemos a forma que queremos que teña o seu corpo, poder ser: CADRADO, CÍRCULO, ÓVALO; formas xeométricas todas elas coñecidas por nós.

Tiramos o dado e segundo o número que sae debuxamos:

1º Número de ollos

2º Nº de bocas

3º Nº de narices

4º Nº de beizos

5º Nº de pernas

6º Nº de orellas

Ao remate facemos o pelo:

Se sae entre 1 e 2 , debuxaremos pouco pelo.

3 e 4, unha cantidade  normal.

5 e 6, moito pelo.

Rematamos poñéndolle un nome, decorándoo e cooreándolle algunhas partes,…e xa temos o noso XERIÓN particular.

Para rematar, fixemos un Xerión maior entre todos…

Están na entrada da escola...que vos gusten!!

Beti

ENTROIDO 2016

Un pouquiño tarde chega este vídeo do ENTROIDO!
Axina máis novedades en Vilatrasna.

Celebración do día da Paz e da non violencia

Neste vídeo sobre a celebración do Día da Paz  poderedes apreciar o ben que o pasamos grandes e pequenos!

A celebración comezou con unha xuntanza na biblioteca da escola, houbo interpretacións, algunha poesía, contacontos, e unha cantiga conxunta que preparamos nas clases (Toc, Toc de Pablo Díaz). A continuación, en psicomotricidade, xogamos ás cadeiras cooperativas, e preparamos flocos de millo para todos/as. A mañá voou entre risas e apertas varias.

DÍA DA PAZ E DA NON VIOLENCIA

Con motivo da celebración do Día da Paz, na aula de A.L. estivemos traballando a partir do conto "Dos monstruos". Trátase da historia de dous monstros que viven en caras opostas dunha montaña e non se poñen de acordo en si o día remata ou a noite comeza. Os monstros insúltanse e lanzan rocas desfacendo a montaña. Ao desaparecer a montaña que os separa poden darse conta que ambos tiñan razón e fan as paces.
Esta historia nos servíu de motivación para realizar diversas actividades:

• Escoitar o conto e reflexionar sobre el.
• Elaborar o noso propio conto, escribindo o texto.
• Dramatizar a historia para representala o Día da Paz.

Nieve en tu Blog