Esta semana estivo cargadiña de cousas nas que pensar, traballar, facer... tanto que non houbo moito tempo a sacar sequera fotos nin videos.
Rematamos de ler El retorno de Villarina. Como vos dixen a semana pasada, foi a primeira vez que lemos cada día un capítulo, a experiencia foi moi boa, repetiremos máis veces, serviunos para manter a intriga pola lectura, para xerar interese pola mesma e para aprender a resumir oralmente os capítulos xa lidos antes de proseguir co capítulo novo. Este conto está en préstamo así que igual algún día o teredes na casa. Como xa vos contei na entrada anterior, trata sobre a importancia do coidado dos osos pardos, e outras especies en perigo de extinción. No seguinte enlace podedes saber máis sobre este tema.
_ Por outro lado, estamos a preparar unha escenificación para o Samaín, pero de iso falaremos a semana que ven en profundidade.
_A nivel emocional xeramos conversas sobre as lágrimas, sobre cando choramos de alegría, de pena, de rabia.. a raíz de momentos xurdidos na clase xéranse situacións moi aproveitables para coñecer mellor por qué son como son, sabendo o que sinten.
_ Saímos a ver as toupeiras do patio e as setas que xa empezaron a brotar, como ía bo día, merendamos nun espacio distinto, cousa que nos relaxou bastante. Estivemos respirando aire fresco para relaxarnos das nosas actividades diarias. Chamando a atención sobre a natureza, para que non sexa invisible no día a día.
_ Sobre a colección de números de quenda creo que é preciso aclarar, que o importante non é que sepan identificar o número 56, ou o 99, senón que vaian identificando e ordenando os números ata o 10, que son sobre os que, nun principio, imos a traballar, se algún alumno/a pode dar máis de sí, seguiremos cara a diante, sin frealo. No vídeo que segue, os escoitades decir o 5 e o 6 cando é un 56, e iso é precisamente o que me interesa agora.
Deixovos un vídeo que recopila estas dúas semanas pasadas, como xa vos dixen, andivemos tan liados preparando a festa do Samaín, que case non sacamos fotos.
Ningún comentario:
Publicar un comentario