¿Por qué é conveniente deixar o chupete antes dos 3 anos?
A pesar das múltiples vantaxes que ten para os bebés o uso do chupete,
chega unha idade en que é conveniente que se despida del
para sempre.
O motivo é que, se
o seu uso continuado se prolonga máis alá dos 3 anos de idade, pode chegar a
ser negativo para o pequeno por diversas
razóns:
·
Co chupete na boca os músculos
exercítanse menos polo que aumenta o
babeo e pode orixinarlle dificultades ao comer e retrasar o
desenvolvemento da fala.
·
Pode chegar a afectar á súa
dentadura. Cando un neno/a introduce a tetina dun
chupete na boca e leva a cabo o que os expertos denominan succión non nutritiva
(o propósito non é inxerir alimento algún) os dentes centrais inferiores se
desvían paulatinamente cara a dentro, mentres que os que se atopan no mesmo
plano, pero no maxilar superior, tenden a separarse e a sobresair cara a fóra.
·
Pode frear un pouco o seu desenvolvemento emocional e
social. Se sempre que se sinte triste, aburrido ou
desconsolado recorre ao chupete non aprende outras formas de autoconsolo, como
entreterse con un xoguete ou demandar cariño ao adulto.
·
Pode facerse dano. Cando empeza a correr e a saltar o risco de caer cara adiante
aumenta, co chupete na boca, pode facerse máis dano.
Algunhas ideas para deixar o chupete:
·
Elexir o momento adecuado, unha
época na que teñades tempo e paciencia para apoiar ao neno nesa difícil tarefa.
·
Unha vez tomada a decisión de
quitarlle o chupete, comunicádello preparándoo con tempo para o acontecemento,
darlle seguridade neste proceso é importante, vivencialo como algo positivo
ligado a “facerse maior” pode axudar.
·
Preparádevos para aguantar crises
e non ceder, poden chegar momentos en que o neno/a chorará e pedirá o chupete
desesperadamente. Pero unha vez dado o paso, non se debe recuar.
·
Podédeslle ofrecer un substituto
do chupete. O neno/a debe ser gratificado con outra cousa, para demostrarlle
qué é maior e precisa cousas de maiores.
·
Non enfadarse con el e non
comparalo con outros nenos/as que xa quitaron o chupete, cada un ten o seu
ritmo.
·
Se pola noite, está acostumado a
durmirse co chupete, introducide un novo ritual que sexa agradable: unha nana,
un conto, algo que lle axude a quedarse durmido tranquilamente.
Estratexias imaxinativas:
·
Inventar un conto onde a “fada dos
chupetes” virá a recoller o seu porque xa se fixo maior e lle deixará
un regaliño de neno/a maior.
·
Gardar nunha caixa elementos que
usaba de bebé (un cueiro, roupa de bebé,
chupete, biberón..) e deixalo na ventá para que veña “un paxariño” a levarllo a un bebé recén nacido.
·
Cambiar o chupete por outro
elemento asociado a nenos máis maiores, por exemplo, pasar de durmir con chupete
a durmir con un peluche para que se sinta acompañado e seguro pese a non ter o
chupete.
·
Existen outras opcións como cortar ou pinchar a tetina para que non sexa
agradable de chupar e acaben por deixalo eles sos ou incluso untar o chupete con algo de vinagre ou limón.
Recursos:
Existen varios
títulos de literatura infantil que tratan sobre o abandono do chupete, acompañar
este proceso con libros fará que os nenos/as se sintan identificados coas
personaxes dos contos resultándolles máis doado o proceso. Déixovos aquí un
enlace onde podedes consultar algúns destes títulos:
Outra opción cómoda,
gratuíta e motivadora é preguntar nas bibliotecas municipais por libros con esta temática.
Outros enlaces de interese:
MOITO ÁNIMO PARA TODOS/AS OS QUE AÍNDA O USAN PARA DEIXALO, XA SOMOS NENOS MAIORES QUE VAN Á ESCOLA E NON PRECISAMOS O CHUPETE! :D
MaDa.
.JPG)
